📢 31 наурыз күні педагогикалық әдеп отырысы өтті
Білім беру ұйымында «Педагогтың академиялық адалдығы» тақырыбында педагогикалық әдеп отырысы ұйымдастырылды.
Аталған іс-шараның мақсаты – педагогтердің академиялық адалдық қағидаларын түсінуін тереңдету, тәжірибе алмасу және кәсіби мәдениетті жетілдіру болды.
🧩 Отырыс барысында:
▪ педагогтер топтарға бөлініп, берілген тақырыптар аясында өзара талқылау жұмыстарын жүргізді;
▪ әр топ академиялық адалдықтың негізгі бағыттарын (әділ бағалау, плагиаттың алдын алу, жауапкершілік, кәсіби этика) жан-жақты ашып, қорытынды қорғау жұмыстарын ұсынды;
▪ пікір алмасу арқылы тақырыптың өзектілігі мен маңыздылығы кеңінен қарастырылды.
🧠 Сонымен қатар, отырыс барысында педагогтердің өзара ынтымақтастығын нығайту мақсатында психологиялық ахуал қалыптастыру жаттығулары жүргізіліп, жағымды жұмыс атмосферасы орнатылды.
📌 Қорытындылай келе, өткізілген іс-шара педагогтердің академиялық адалдық қағидаларын ұстану мәдениетін қалыптастыруға және кәсіби әдептілікті дамытуға оң ықпал етті.
